"জ্ঞা" ন ই সংস্কৃত ক্রিয়ামূল। অসমীয়া 'জ্ঞান' শব্দটো 'জ্ঞ' ধাতুৰ পৰা আহিছে। যাৰ অৰ্থ জনা , অনুভৱ, প্ৰকাশ ইত্যাদি। আছলতে ই এক চমৎকাৰ, যাৰ বলতেই নিতৌ ন ন কথাৰ আৱিস্কাৰ হৈছে। পৃথিৱীখন এখোজৰ পিছত এখোজ আগুৱাই গৈছে। জ্ঞান আহৰণ হয় অভিজ্ঞতাৰ পৰা। জ্ঞান আহৰণ হয় শিক্ষাৰ পৰা।
√জ্ঞা (জানা) +অ (ক) =জ্ঞ
√জ্ঞা (জানা) +অন্ (ল্যুট) =জ্ঞান।
√জ্ঞা (জানা) +ত (ক্ত)=জ্ঞাত ।
মানুহ শিক্ষিত নহলেও জ্ঞানী হ'ব পাৰে। শিক্ষা থাকিলেই যে মানুহ জ্ঞানী হ'ব এনে নহয়। এটা সৰু উদাহৰণ, অৱশ্যে কথা খিনি কাৰ আছিল পাহৰিছোঁ। মহাবিদ্যালয়ৰ এটা কোঠাত ভালেমান কেইজন প্ৰবক্তা মিলি তেনেই সৰু কথা এটাত তৰ্ক লাগিছে। কথা গৈ ইমান পাইছেগৈ যে, টেবুলত ঢ়কীয়া ঢ়কি হৈছেগৈ। দুজনমানে কৈছে ক্লাছ ৰুমৰ প্লেটফৰ্মত ফেন দিব নালাগে। কাৰণ চকৰ গুৰি উৰি আহি কাপোৰ নষ্ট কৰাৰ লগতে চকুৰ কাৰণে অসুবিধা, তদুপৰি এলাৰ্জি কাৰণে বিপদ জনক। তাৰ প্ৰতিবাদ কৰি দুজনমানে কৈছে এইটো হ'বৈ নোৱাৰে। কাৰণ এই গৰমত ইমান কষ্ট কৰি আমি ক্লাছ কৰিব নোৱাৰোঁ। ফেনৰ কাৰণে যদি কাৰোবাৰ অসুবিধা হয় ক্লাছ কৰিবলৈ নগলেই হ'ল। এই সম্পৰ্কে তুমুল তৰ্ক। টিং উৰি যাওঁ যাওঁ। তেনেকুৱাতে ছাহ দিবলৈ চকিদাৰ জন সুমাই আহি ভয়ে ভয়ে ক'লে "মই কথাবোৰ সেই তাৰ পৰাই শুনি আহিছিলোঁ, গতিকে ময়ো কিবা এটা ক'ব পাৰোনে?" তাৰে এজনে কওক বুলি কোৱাত তেখেতে কলে " ছাৰ ফেন খনৰ চুইচ্ আছে যেতিয়া প্ৰয়োজন অনুসৰি অফ্ অন্ কৰি ললেই হ'ল"। সকলোৰে মুখৰ মাত নোহোৱা হ'ল। গতিকে ইয়াৰ দ্বাৰা কি ক'ব বিচৰা হৈছে নিশ্চয় নকলেও হ'ব।
শিক্ষাই মানুহক জ্ঞানৰ পোহৰ দিয়ে, প্ৰগতিৰ পথ দেখুৱায়। এসময়ত বনৰীয়া জীৱ-জন্তুৰ দৰে আদিম মানুহৰ আচৰণ প্ৰবৃত্তি পৰিচালিত আছিল । কিন্তু শিক্ষাই ইয়াক সলনি কৰিলে। শিক্ষা আহৰণৰ লগে লগে মানুহবোৰ জ্ঞানী হ'বলৈ শিকিল । জগত স্ৰজোঁতা জনে মানুহক সকলো প্ৰাণীতকৈ শ্ৰেষ্ঠ কৰি স্ৰজন কৰিছে, মানুহ(মানুহ)ক তেওঁ জ্ঞান দিছে, আন প্ৰাণীক দিয়া নাই। জ্ঞান মানুহৰ সুকীয়া বিভূতি, ই পশু জীৱনত দুৰ্ল্লভ; দৰাচলতে চাবলৈ গ'লে জ্ঞানৰ নিমিত্তেহে মানুহে মানুহ নাম পাইছে । ইংৰাজী knowledge শব্দৰ অসমীয়া ৰূপ জ্ঞান সম্পৰ্কত ভিন্ন জনে মত আগ বঢ়াইছে। কিন্তু এই মত সমূহৰ ওপৰত কাৰো দ্বী মত নাই। যিয়ে নহওক শেষত সংস্কৃতৰ এটি শ্লোকেৰে জ্ঞান সম্পৰ্কে কৈ মোৰ ক'ব লগা খিনি কৈ শেষ কৰিলোঁ।
পৰং ভূয়: প্ৰৱক্ষ্যামি জ্ঞানানাং জ্ঞানমুত্তমম |
যজজ্ঞাত্বা মুনয়: সৰ্ব্বে পৰাং সিদ্ধিমিতো গতা: ||
No comments:
Post a Comment